هتدافع عن حبك ولا هتستسلم ..؟؟ اديني رايك

السلام عليكم ورحمة الله وبركاته


اخباركم ايه ؟؟ ان شاء الله بتبقو كويسين وتمام

الموضوع ده في بالي من زمان .. وحبيت اخد رايكم بيه وبكل صراحة .. ويا ريت تجاوبوني

هل لازم على الشخص انه يدافع عن الحب اللي بعيشو ولا يستسلم ...؟؟

يعني اذا انت/انتي حبيت شخص و نويت على الزواج و بسبب الظروف ايا كانت اصبح الامل ضعيف انكم تستمرو مع بعض على الرغم انكم لسه بتحبو بعض اوي

هل هنا الواحد لازم يدافع عن حبه .. ولا لازم يستسلم للامر و ينهي العلاقه الي كانت بينهم

ايه رايكم بالموضوع ؟؟؟


انا ليا رأيي ومتمسكة بيه بس حبيت اشوف اراءكم

تحياتي



دمعة فراق

انا اقولك رائى يا استاذه الاهم ان يكون الاتنين متمسكين ببعض هو ده الاهم ويبقى كل واحد فيهم عارف مقدرة التانى ايه وميحملوش اكتر من طاقتو ساعتها حتكون الظروف دى مجرد عقبات حتعدى زيها زى اى مشكله بالتفاهم بينهم حيحلوها

مش عارفه بس ممكن تبقى الظروف اقوى منى ومنو يعنى لو اهلى رفضوة انا وحاولت اقنعهم وهما بردو على رايهم انا مش هقدر اقف قدام اهلى مهما كان وهستسلم

يسلموووو امير ولوزة على المرور
لوزة ... انتي بنت واذا اهلك رفضو هيبقى صعب .. بس الشاب اذا اهله رفضه يستسلم ولا ايه؟؟

على فكره ساعات الشاب بيبقى فى الموقف ده اضعف من البنت لان بيبقى المعارضه من اهلى فيها صدام ومشاكل وممكن توصل للقطيعه بينهم ان زادت المشاكل دى اما البنت اقساها بتبقى عتاب وفى النادر الى بتوصل لمشكله كبيره بس البنت مبيحصلش انهم يجوزوها مثلا غصبا عنها
هى ممكن ترفض وتستنى يمكن تتغير الظروف دى وترجع الميه لمجاريها

بس الشب مدام مش قادر يدافع عن حبه ليه يحب من الاصل .. انا لو شب ميهمنيش من الدنيا كلها غير اللي احبها وبعد كده اهلي هيوافقو يعني هيوافقو .. بس البنت هيبقى موقفها صعب شوية لو اهلها كانو مش متفهمين بس في اهالي كتيرة بتفهم دلوقت

اكيد حاجه صعبه جدا وفعلا يالوزة مقدرش اقف قصاد اهلى لو رفضو هحاول معاهم بس لو منفعش هستسلم مش قدامى غير كدة هو بقى يشوف الرفض دة جه من ايه ويحاول يغيرة عشان يوافقه وييجى تانى وتالت ورابع مش من اول مرة لا يروح ماشى ومايصدق