مشمش ومشمشة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


مشمش ومشمشة
 
الرئيسيةأحدث الصورالتسجيلدخول
اللهم هب لنا عملا صالحا يقربنا اليك يارب العالمين .
لا اله الا انت سبحانك انى كنت من الظالمين .
سبحان الله والحمد لله ولا اله الا الله والله اكبر ,
سبحان الله وبحمده ... سبحان الله العظيم .
سبحان الله وبحمده عدد خلقه ورضى نفسه وزنة عرشه ومداد كلماته .
سبحان الله العظيم وبحمده .... من قالها غرست له نخله فى الجنة .
( لا اله الا الله ) هيا افضل الذكر .
اخى لا تعمل فى السر عملا تستحى منه فى العلانيه .
( ولله ميراث السموات والارض )
اخى ... عليك بالقران لتكـــــون فى امــــــــــــــــان .
وأذكر ربك اذا نسيت .
المواضيع الأخيرة
» بردو صورى انا 2
يوميات شاب صعيدى يحب فتاه استايل (حلقه22) I_icon_minitime2010-11-12, 19:17 من طرف totymemo

» بردو صورى انا
يوميات شاب صعيدى يحب فتاه استايل (حلقه22) I_icon_minitime2010-11-12, 19:15 من طرف totymemo

» رجنا لمنتدانا الغالي تاني
يوميات شاب صعيدى يحب فتاه استايل (حلقه22) I_icon_minitime2010-09-04, 05:13 من طرف memo&toty

» بالصور .. شو يعمل اللي بيحب النوم
يوميات شاب صعيدى يحب فتاه استايل (حلقه22) I_icon_minitime2010-01-18, 15:41 من طرف دمعة فراق

» الفرق بين صداقة النساء وصداقة الرجال
يوميات شاب صعيدى يحب فتاه استايل (حلقه22) I_icon_minitime2010-01-18, 14:57 من طرف دمعة فراق

» ادخلو وشوفو صفات البنت المصريه
يوميات شاب صعيدى يحب فتاه استايل (حلقه22) I_icon_minitime2010-01-17, 22:31 من طرف دمعة فراق

» عبارات مؤلمه وقاسيه...........لكن حقيقيه
يوميات شاب صعيدى يحب فتاه استايل (حلقه22) I_icon_minitime2010-01-17, 21:14 من طرف دمعة فراق

» قمة الألم انك تحب شخص لن تكوون له!!!!!!
يوميات شاب صعيدى يحب فتاه استايل (حلقه22) I_icon_minitime2010-01-17, 21:07 من طرف دمعة فراق

» شعر عن المدرسة (بدون زعل)
يوميات شاب صعيدى يحب فتاه استايل (حلقه22) I_icon_minitime2010-01-17, 21:01 من طرف دمعة فراق


مشمش ومشمشة :: التسـليــــــــــــــــــــــــــه :: الفرفشـــة والنكــت
 

 يوميات شاب صعيدى يحب فتاه استايل (حلقه22)

اذهب الى الأسفل 
3 مشترك
كاتب الموضوعرسالة
لوزة

لوزة


عدد المساهمات : 158
تاريخ التسجيل : 25/05/2009
العمر : 34

يوميات شاب صعيدى يحب فتاه استايل (حلقه22) Empty
مُساهمةموضوع: يوميات شاب صعيدى يحب فتاه استايل (حلقه22)   يوميات شاب صعيدى يحب فتاه استايل (حلقه22) I_icon_minitime2009-08-25, 02:05


كنا واقفين ان احمد كان عايز يقول لنور حاجه ياتري ايه هيا الحاجه دي؟؟

دا الى هنشوفوا خلال حلقتنا انهردة

نور : نعم يااحمد خيرر

احمد : انا عايزك اقولك علي حاجه ضروري يا نور واتكلم معاكي كتيررر قبل معملها


نور : اتفضل قول يااحمد



احمد : بصي يا نور انا هكون صريح معاكي وانتي عارفه انك اقرب حد ليا في البلد دياا

نور : اتكلم يااحمد انت قلقان ليه كدا ومتوتر ليه ؟

( نور وشها احمر حاسه بالي احمد عايز يقولوا )

المهم نرجع لموضووعنا

احمد : نور بصي حدانا في البلد الى بيكون بيصيف بيجيب مشبك وهوه راجع وانا معرفشي محلات بتبيع مشبك هنا

نور : احمد ايه الى انت بتقولوا دا

احمد : والله يا نور مكسوف منك مووت

نور : هوه دا الموضووع الى كنت عايزني فيه يااحمد

احمد : اه يا نور امال انتي كنتي فاكرة ايه ؟

نور : احمد انت جاي شرم الشيخ علشان تشتري مشبك

احمد : امال هما بيجوا ليه ؟

نور : احمد مش معقول كدا

احمد : نور مش انتي قولتلي ان شرم الشيخ دي زي راس البر وجمصة ؟ ولا انتي هترجعي في كلامك وشكلك مش عايزه تسعديني

نور : اوووووووووووووووووووووووووووف
وسابت احمد ومشيت واحمد طبعا استغرب من الى حصل هوه شايف ان الموضوع طبيعي لكن نور طلعت منهارة وعماله تعيط
فطلعت فوق لقيت ريم بتعيطت فحاولت تهدي نفسها علشان تعرف تكلم ريم

في نفس اللحظه احمد قال يعمل تليفون طلما نور مش عايزه تساعدة هيتصل بمين بمين بمين ؟؟

بعطيااات Smile

احمد : الووووو

جارته : ايوة مين

احمد : انا جارك يا ست عطيات

جارته : اهلا يامومو عامل ايه

احمد : مومو مين ياستي بقلك انا احمد جارك الى فوق

جارته : ايوة يا مومو مانا بدعلك

احمد : اها اذا كان كدا معلشي

جارته : ايه انت لسه مجتشي من المصيف

احمد : لا انا جاي بكره ان شاء الله انا متصل بيكي بخصوص الموضوع دا

جارته : خير يا مومو عايز فلوس ولا عايز ايه ؟

احمد : لا مستوره والحمد لله انا كنت عايزك اسالك سؤال بسيط كدا

جارته : قول يا حبيبي قول

احمد : تعرفي محلات مشبك في شرم اشتري مشبك لبوياا وامي

جارته : ههههههههههههههيههههههههههههههههههههههههههه :d

احمد : بتضحكي علي ايه يا ولية انتي

جارته : اه يا مومو عارفه

احمد : والله هجبلك ربع كيلوا وانا جاي بس قوليلي فين مكانه

جارته : انت عارف وانت جاي من شرم

احمد : لا عارف وانا جاي من بلدنا ههههههههههههههههه متخلصي يا ولية انتي

جارته : قول للسواق نزلني عند بتوع المشبك هههههههههههههههههههههه

احمد : بجد يا ست عطياات

جارته : ايوه يا حبيبي بجد

احمد : طيب سلام

نرجع بسرررعه علشان نعرف ريم كانت بتعيط ليه


نور : مالك يا ريم

ريم : مفيش يا نور انتي كنتي فين ؟

نور : كنت تحت بشتري شويه حاجات

ريم : اها سألت عليكي بتاع الرسبشن قالي انك خرجتي مع احمد

نور : بصت ليها كدا وراحت معيطه

ريم : بتعطتي ليه دلوقتي مع انك كنتي مع احمد يعني

نور : تقصدي ايه يا ريم بالي بتقوليه دا

ريم : مقصدش حاجه هانت اهي وكل حد فيناا يروح لحالة

نور : انا مش مطمنه لكلامك دا يا ريم ياريت توضحي كلامك

ريم : لا كلام ولاحاجه يا نور انا هنزل اتمشي شوية

نور : طيب براحتك مهي العمليه نقصاكي اصلااا

ريم : انا نازلة


نزلت ريم كانت راحه فين بقي ؟















































كنا واقفين عند ريم وهي نازله ياتري قابلت مين وكانت خارجه مخنوقه من نور الله اعلم ليه

المهم ريم نازلة علي السلم وقعت رجليها وجعتها في داخلة احمد الفندق

احمد : يانهاار مدوحس دي ريم ولا ايه ؟؟؟؟

بتاع الامن : والله معرفشي حضرتك

احمد : وانت مالك يعم هوه حد كان سألك

بتاع الامن : سوري حضرتك كنت فاكرك بتكلمني

احمد : اروح اشوف البت دي حصل فيها ايه

اوعوووا يا جدعااان جحا اولي بلحم طوووورة اوعوو بس انا هشوفها

احمد : ريم مالك

ريم : رجلي بتوجعني يااحمد

المهم احمد سمع الكلمتين دول ونسي المشبك ونسي الدنيا كلها

وشال ريم (اخوي يعني) وراح بيها المستشفي


نرجع بسرررعه لنوررررر


نور : ياتري ريم زعلانه ليه ؟ اممممممم مش عارفه ربنا يستر وميكونشي عملت حاجة تزعلها دي بردوا صحبتي الانتيخ ومش عايزاها تزعل مني



وفي نفس الوقت كان في حوار صغير كدا في البلد عند احمد بين ابوه وامه

ابووه : شوفتي يا وليه الواد تريبتك النجاقصه سايب دراسته وعمال يتسرمح في شرم الشيخ مع البنات الى لبسه هدوم مجطعه

امه : يا حج محمد هوه احمد صغير اكيد بس بيغير جووو زي زمايله وانت عارف ان الطلبه بتغير من بعضيها

ابووه : مكان جه غير جو في الترعه حدانا او في المصرف الى في اخر البلد

امه : هتلاجيه نسي يا حج

ابووه : دانا لما يجي هشوف شغلي معااه علي شان ميعملشي كدا تاني

امه : ربنا يجيبوا بالسلامة بس وبعد اكده ابجي اقطع رجبته

ابووه : وهيجي ليه بجي لما انا هجطع رجابته هههههه يا وليه انا خايف عليه

امه : مني عارفه يا حج محمد ربنا يخليهولك يارب

ابوه : امه بئي يا وليه اعملينا صنيه البطاطس علشان هموت من الجوع

امه : عنيا يا ابو محمد

ابووه : تسلم عنيكي يا غالية



وقامت ام الواد تعمل صنيه البطاطس لجوزها والراجل الناقص بيقول
ياتري يابني عامل ايه مع الحريم الي لبسه من غير هدوم في شرم الشيخ
جتنا نيله في حظنا الهبااب قاعد في وش الوليه دي ليل ونهار مش عارف اشوف غيرها

الواد دا مكنش جال كنت روحت معااه اتفرجتلي يومين ولا حاجه

لا والمصيبه الاكبر جارته يلهوي علي ضحكتها مسخرررة بجد يعني
يارتني كنت انا الى ساكن عندهاا




وبسررررعه نروح لرررررررريم في المستشفي


ريم : اه .... اه ..... اه يا رجلي

احمد : حمدالله علي السلامة ياريم

ريم : الله يسلمك يااحمد هوا انا فين

احمد : في بيتك ومترحك يختي هههههههههههه

ريم : لا بجد ياااحمد انا فين

احمد : في المستشفي يابنتي

ريم : وانا ايه الى جابني هنا انا كنت كنت كنت والله مانا فاكرة

احمد : ايه دا يا ريم انتي فقدتي الذاكرة :-س

ريم : يااحمد متهزرشي

احمد : حاضر يا ريم انتي وقعتي من علي السلم ورجليكي اتكسرت وانا شيلتك وجبتك هنا علي الله يطمر فيكي بقي ههههههههههههه

ريم : ميرسي يااحمد علي زوقك وعلي انك جبتني هنا

احمد : وميرسي دي اصرفها منين هههههههههه هتيلي حاجه ساقعه احسن وياريت باكو بسكوت شمعدان ونص كيلوا مشبك لابويا ههههههههههه


ريم : انت بتقول ايه يااحمد ؟ مش فاهمة منك حاجه

احمد : لا لا متحطيش في بالك

ريم : طيب

احمد : طيب معاكي علي رائ خالتك سميرة سعيد

ريم : ههههههههههههههه ماشي يا خفة


سكتوا الاتنين فترة كده وريم عاملة تبص في عنين احمد واحمد مركز في وشها اوي

وفجأه احمد قالها





ريم











ريم










ريم








ريم












ريم : نعم يااحمد في ايه حضتنني

احمد : انتي وشك اصفر شكل الكشري بتاع المحلات بتاع طنطا

ريم : بجد يااحمد

احمد : اها ورحمة خالي حسن

ريم : طيب هاتلي دكتور ولا اعمل اي حاجه

احمد : حادر هنزل اشوفلك دكتور تحت في اي حته

ريم : طيب يلا بسررعه

نزل احمد تحت وبيسأل ممرضة

احمد : لو سمحتي يا نيرس

الممرضه : ايوة تحت امرك

احمد : الامر لله يا قمر

الممرضه : بصت ليه كدا وقالتوا خير يا فندم عايز حاجه

احمد : اها واحد كابتشينوا وباكوين بسكويت لو سمحتي

قامت االممرضه ضحكت كدا وقالتوا

الممرضه : حضرتك دا مش كنتين دي مستشفي محترم

احمد : اها مانا عارف عندنا زيها في بلدنا

الممرضه : بلدكوا ؟؟

احمد : اها بلدنا انا شايف الفضول في عنيكي وعايزه تعرفي ايه البلد

اللممرضة : ههههههههه بصراحه اها

احمد : طيب مش هقولك

الممرضه : طيب مش مشكل المهم انت كنت عايز تقول ايه ؟


احمد : انا معايا واحد زملتي فوق رجليها مكسورة ولونها اصفر لو سمحتي عايز حد يشوفها

الممرضه : اها طيب اوكي تعال هاجي معاك اشوف المووضوع يستلزم دكتور ولا لا

احمد : اوكي اتفضلي

طلعت الممرضه معاه وساعه ماشافت ريم بنوته حلوه وعسولة وشكل سمية الخشاب هههههههههههه

راحت مسكت ايديها كدا علي اساس انها بتقيس ليها النبض يعني
وقالت لاحمد

الممرضه : عايزك ثواني

احمد : طيب حاضر هشوفها يا ريم شكل الموضوع خطير ولا شكلك هتموتي ونخلص منك ههههههههه

ريم : بعد الشر عليا يااحمد متبقاش كدا

احمد : انت هترغي يا ستي استني لما اشوف الممرضه الى بره دي

ريم : طيب

خرج احمد بره لقي الممرضه مستنياه

احمد : ايه مالها خير

الممرضه : بص يا استاذ ....امممممم

احمد : اسمي احمد وبلاش استاذ دي شيلي التكليف حضرتك

الممرضه : ميرسي يا احمد كلك زوق

احمد : اها مانا عارف البلد كلها بتقولي كدا حتي نور بتقولي كدا

الممرضه : نور مين ؟

احمد : هوه انتي علي طول عندك الفضول دا ههههههههههه

الممرضه : سوري اني ادخلت في حاجه مش لياا فيهاا

احمد : لا عادي مفيش مشكل المهم قوليلي ريم مالها

الممرضه : دي بت مكهونه ومعندهاش حاجه هي بس لونها مخطوف من الخضه

احمد : ايه دا يعني هيا رجليها مش مكسورة

الممرضه : لا مكسورة بس دلوقتي بقيت كويسة وتقدر تروح كمان 10 تيام ان شاء الله


احمد : عشر تيام ينهار مدوحس داحنا مسافرين بكره

الممرضه : مسافرين فين

احمد : رايحين القاهرة تاني احنا طالبه وجاين رحلة

الممرضه : اها طيب مهي مش هتنفع تخرج قبل كدا

احمد : خلاص هنسبها ولما تخف تبقي تيجي

الممرضه : لا متسبهاش هي ممكن تخرج انهرده

احمد : هههههههههههههههه الا قوليلي يا اسمك ايه

الممرضه : اسمي نهي

احمد : عاشت الاسامي يا نهي علي فكرة اسمك جميل اوي وانا بحبه

الممرضه : ميرسي ليك يااحمد كلك زوق

احمد : ايوه مانا قولتلك عارف البلد كلها بتقول عليا كدا

الممرضه : هههههههههههههههههه

احمد : هههههههههههههه هوه انتي معاكي شبكة ؟

الممرضه : اها معايا

احمد : طيب ممكن رقم موبيلك :$:$:$:$

الممرضه : اها طبعا اتفضل 0000000000

احمد : طيب انا هروح اشوف بقيت صحابنا وهتصل بيكي اطمن علي ريم وانتي خدي بالك منها

الممرضه : طيب هتيجي امته :$:$: علشان لو عايزين حاجه في الرسبشن

احمد : علي طول هشوف نور بس واجي

الممرضه : طيب اوكي هستناك



في نفس الوقت دا نور قلبت الدنيا علي ريم واحمد مش لاقيه حد ومش عايزه تسأل حد علشان ميبقاش شكلها وحش

وفي الاخر اكتشفت انهم مع بعض

هتعمل ايه بقي تعمل ايه تعمل ايه تعمل ايه

فضلت تفكرر شويه وفي الاخر وصلت لفكررررررررة

ياتري هتعملي ايه ياااااااااا نوووووووووووووووووووووووووووووووووور
الرجوع الى أعلى الصفحة اذهب الى الأسفل
TREKA

TREKA


عدد المساهمات : 198
تاريخ التسجيل : 22/05/2009
العمر : 35

يوميات شاب صعيدى يحب فتاه استايل (حلقه22) Empty
مُساهمةموضوع: رد: يوميات شاب صعيدى يحب فتاه استايل (حلقه22)   يوميات شاب صعيدى يحب فتاه استايل (حلقه22) I_icon_minitime2009-08-26, 00:58
نور شكلها ناويه على مصيبه يا ابو حميييييييييييييييييييييييد
lol!
اللى بعده.............
الرجوع الى أعلى الصفحة اذهب الى الأسفل
لوزة

لوزة


عدد المساهمات : 158
تاريخ التسجيل : 25/05/2009
العمر : 34

يوميات شاب صعيدى يحب فتاه استايل (حلقه22) Empty
مُساهمةموضوع: رد: يوميات شاب صعيدى يحب فتاه استايل (حلقه22)   يوميات شاب صعيدى يحب فتاه استايل (حلقه22) I_icon_minitime2009-08-26, 14:09
دى طلعت لئيمه cheers
الرجوع الى أعلى الصفحة اذهب الى الأسفل
totymemo
Admin
totymemo


عدد المساهمات : 227
تاريخ التسجيل : 20/05/2009
العمر : 37

يوميات شاب صعيدى يحب فتاه استايل (حلقه22) Empty
مُساهمةموضوع: رد: يوميات شاب صعيدى يحب فتاه استايل (حلقه22)   يوميات شاب صعيدى يحب فتاه استايل (حلقه22) I_icon_minitime2009-08-26, 20:37
ربنا يستر عليك يا احمد

بس على فكرة ابوه اسمه الحج هريدى وفى اختلاف كتير فى القصه

ها ها ها ها نحن نختلف عن الاخرون

ال حج محمد ال

اما اخو احمد اسمو محمد
والتانى تريكا بيقرى ويتابع وخلاص مش بيركز ولا يلاحظ

ههههههههههههههههههههههههههههههههههههههههههههههههههههههههههههههههههه

سورى بقى بس دى امانة علميه يا جماعه

تقبلى مرورى يااااااااااااااااااااااااا لوزة

ال حج محمد ال
الرجوع الى أعلى الصفحة اذهب الى الأسفل
http://www.toty-memo.com
TREKA

TREKA


عدد المساهمات : 198
تاريخ التسجيل : 22/05/2009
العمر : 35

يوميات شاب صعيدى يحب فتاه استايل (حلقه22) Empty
مُساهمةموضوع: رد: يوميات شاب صعيدى يحب فتاه استايل (حلقه22)   يوميات شاب صعيدى يحب فتاه استايل (حلقه22) I_icon_minitime2009-08-27, 16:49
نقطه بسيطه بس عشان الجاهلين اللى زيك يعرفو

ابو تريكه اسمه محمد محمد محمد ابو تريكه

تعرف تتوكس على وكستك الموكوسه بوكسه
Basketball
الرجوع الى أعلى الصفحة اذهب الى الأسفل
لوزة

لوزة


عدد المساهمات : 158
تاريخ التسجيل : 25/05/2009
العمر : 34

يوميات شاب صعيدى يحب فتاه استايل (حلقه22) Empty
مُساهمةموضوع: رد: يوميات شاب صعيدى يحب فتاه استايل (حلقه22)   يوميات شاب صعيدى يحب فتاه استايل (حلقه22) I_icon_minitime2009-09-04, 03:55
ايه كميه الوكسه دى كلها يا تريكا
ههههههههههههههههههههههههههههههههههههههههههههههههههههههههههههههههههههههه flower
الرجوع الى أعلى الصفحة اذهب الى الأسفل
 
يوميات شاب صعيدى يحب فتاه استايل (حلقه22)
الرجوع الى أعلى الصفحة 
صفحة 1 من اصل 1
 مواضيع مماثلة
-
» يوميات شاب صعيدى يحب فتاه استايل (الحلقه19)
» يوميات شاب صعيدى يحب فتاه استايل (حلقه20)
» يوميات شاب صعيدى يحب فتاه استايل (حلقه 23)
» يوميات شاب صعيدى يحب فتاه استايل (حلقه 23)
» يوميات شاب صعيدى يحب فتاه استايل (الحلقه 16)

صلاحيات هذا المنتدى:لاتستطيع الرد على المواضيع في هذا المنتدى
مشمش ومشمشة :: التسـليــــــــــــــــــــــــــه :: الفرفشـــة والنكــت-
انتقل الى: